Radio FM

Deixa as túas suxerencias no noso foro radiofoz.

A emisora de radio municipal, Radio Foz, sae ás ondas en 1.998, tendo a súa ubicación na Casa da Cultura “Poeta Manuel María” de Foz.

A nosa emisora caracterízase desde os seus comezos pola colaboración habitual de persoas de diferentes idades creando programas de diferente temática: cine, temáticos (medio ambiente, música pop, música heavy, orquestras,…), actualidade, lembranzas, lingua, literatura, entrevistas,…

Aínda que a programación se vai renovando con diversos programas, Radio Foz sempre conta con dous programas fixos na súa emisión: os informativos e un programa de tarde con entrevistas e contidos de actualidade.

Os informativos son un punto de referencia na programación diaria, no que se inclúen tamén deportes e un apartado dedicado ás ofertas de emprego. Durante a súa emisión non só teñen cabida contidos do Concello de Foz, senón novas de toda A Mariña.

Se desexas estar informado de todo o que sucede na comarca, escoita a túa emisora de radio no 107.4 FM.

Actualmente na programación de Radio Foz contamos cos seguintes programas:

• Bos días Foz: con David Val. Programa de entrevistas, concursos e actualidade
• Informativos: con Anxo Rivas e David Val
• Sesión de Tarde: con David Val. Programa con contidos de actualidade, entrevistas e música
• Chupa Chups: con Lidia Lestegás e Lucía Villarino. Programa de música, entrevistas e concursos
• A bola de metal: con Ana e Dani. Programa dedicado á música heavy, con actualidade e novidades sobre este tipo de música
• Mar por medio: con Javi e Catalina. Programa para coñecer as historias dos/as inmigrantes que chegan a Foz.

A música de antes e de hoxe envolve as ondas de Radio Foz o resto da programación.