Casa da Cultura "Poeta Manuel María"
R/ de Lugo, 1 – 2º andar
27780 Foz (Lugo)
Tlf/Fax: 982. 14 06 75
Horario xeral:
Luns a venres:
de 10:00 a 14:00 horas / de 17:00 a 20:00 horas
Sábados:
de 10:30 a 13:00 horas.
Horario de verán:
Luns a venres:
de 09:00 a 14:00 horas / de 18:00 a 20:00 horas
A Biblioteca Pública Municipal de Foz, é un espazo para a convivencia, que fomenta o desenvolvemento persoal e colectivo, un centro de información local e que desenvolve actividades de animación á lectura e que quere implicarse na sociedade local como elemento democratizador, de información e dinamización cultural.
Pretendemos ser un centro activo e dinámico, unha biblioteca aberta á comunidade que rompa cos estereotipos de centros pechados, mero depósito de libros e no que se entra sempre con precaución e dúbidas.
A Biblioteca Pública Municipal é un servizo público que ten que ser tamén un centro cultural, ofertar aos/ás cidadáns/ás máis servizos e actividades e desenvolver unha programación na que se permita o achegamento aos autores e propostas de animación á lectura para todos os tramos de idade.
Para a utilización do Servizo de Préstamo o usuario deberá posuir o Carné de lector. O seu uso é persoal e intrasferible. Para obtelo é necesario:
A perda do carné deberá ser comunicado á biblioteca, e os lectores deberán comunicar calquer cambio de domicilio ou teléfono de contacto.
Para poder levar documentos en préstamo é imprescindible dispoñer do carné de socio da Biblioteca Pública Municipal de Foz que se pode obter completamente de balde.
Internet e o acceso Wifi é totalmente gratuíto para todos/as os/as usuarios/as que o precisen.
A utilización do servizo de internet, polas súas características, require cumprir cos seguintes requisitos
O usuario comprométese a respectar en todo momento a lexislación vixente en materia de propiedade intelectual e a facer un uso adecuado do servizo de acceso a Internet, tendo sempre presentes os principios que rexen a actividade da biblioteca pública.
A biblioteca non será responsábel en ningún caso da información que poidan recuperar ou á que poidan acceder os usuarios a través dos postos de Internet.
Non está permitido:
O mal uso dos computadores ou de internet poderá implicar posíbeis accións legais contra os usuarios que incumpran estas normas.
Deberase informar de calquera dificultade técnica ao persoal da biblioteca. Este poderá prestar axuda aos usuarios no manexo básico dos computadores e de internet, sempre que este traballo non interrompa outros labores bibliotecarios e a atención ao público. O persoal da biblioteca non pode proporcionar axuda avanzada no uso dos computadores e non é responsábel da perda de datos ou información.
Podes pedir cita a través do número de teléfono 982 140 675 ou co e-mail foz@rbgalicica.org.
Tanto no exterior como no interior da Biblioteca terás acceso a conexión wifi para o uso de portátiles para o que so necesitas habilitar a conexión inalámbrica do teu portátil. Para establecer esa conexión o si tes dúbidas so tes que dirixirte ao persoal da biblioteca e eles informaranche sobre os pasos a seguir.